1429

• Vers le 25 juin : Près de Talmon (Poitou), Hom voit avenir de pardecza des plus merveilleuses choses que hom vit oncques, comme des hommes armés de toutes pièces chevaucher en l'aer sur ung grant cheval blanc, et dessus les armeures une grant bende blanche, venent devers la mer d'Espaigne, et passer par dessus deux ou trois forterasses près de Talamont, et tirer vers Bretaigne : dont tout le pays de Bretaigne est espavanté, et mondict seigneur le duc, dont il a fait le serement aux Anglois, disent qu'il cognoissent leur destruccion par luy. Le roi a envoyé devers l'évesque de Luczon pour savoir la vérité de ceste besoigne. Lequel s'en est informé et a trouvé par informacion que plusieurs gens l'ont vu en pluseurs lieux de son eveschié et que, ainsi que il passoit par dessus ung chastel près dudit Talamont, nommé Bien*, les gens dudit chastel, quant le virent venir, cuidrent estre tous perdus et foudroyés, quar il estoit hu milieu d'ung grant feu qui n'atouchoit à luy près de deux brasses; et tenoit en sa main une espée toute nue, et venoit chevauchant en l'air de si grant rendon, que il sembloit que le chastel fust tout embrasé. Et ceulx du chastel commencèrent à crier à haulte voix; et lors ledit homme ainssi armé, leurs dist trois foyx : "Ne vous esmayez." Et ces choses ont estées affermées au roy estre vrayes par ledit évesque de Luczon et par deux gentilz hommes, envoyés devers le roy pour ceste cause, qui ont affermé l'avoir veu, et plus de deux cens personnes; et tant d'autres merveilles que c'est ung grant fet Fragment d'une lettre sur des prodiges advenus en Poitou vers le 25 juin 1429, Quicherat Jules: Procès de condamnation et de réhabilitation de Jeanne d'Arc, tome V, Paris 1849, pp. 121-123 < Deliyannis, Yannis: "1429, June : near Talmont, Poitou (France)", Magonia Exchange, 3 juin 2007.